Meyè jwè, pi bon antrenè : zetwal ki plis bliye nan NBA a pandan mwa fevye a

Kreyòl Enfo, premye mas 2019 .- Espesyalis nan baskètbòl ameriken yo rekonpanse jwè ak antrenè ki te distenge yo nan NBA a pandan mwa fevye a.

Zetwal Antetokoumpo

Nèf (9) viktwa, zero (0) defèt se bilan Milwaukee Bucks soti premye pou rive 28 fevye 2019 la . Bucks yo reyisi bon pèfòmans sa gras ak Giannis Antetokoumpo ki fini meyè jwè konferans lès la pou mwa pase a. Pandan peryòd sa, Antetokoumpo woule ak yon mwayèn 30.6 pwen, 6 pas epi 12.6 rebon nan chak match.

Fenomèn George

Nan konferans lwès la, se Paul George ki fè lalwa pandan mwa pase a. Gras ak yon mwayèn 35 pwen , 8.4 rebon ak 5.4 pas nan chak match, Paul George pèmet Oklahoma thunder City fè sis (6) viktwa sou diz (10) match li jwe pandan peryòd sa.

Pou jwè k ap fè premye sezon yo nan lig la (Rookie)

Nan konferans lwès la se Luka Doncic ( Dallas Mavericks) ki ranpòte lamayòl pandan mwa fevye a pami jwè k ap jwe premye sezon yo nan NBA a. Trae Young ( Atlanta Hawks) fini « Rookie » mwa fevye a nan konferans lès la.

Antrenè yo

Terry Stotts: 6 viktwa 3 defèt ( Portland Trail Blazers) fini devan nan konferans lwès la tandiske, Mike Budenholzer 10 viktwa 1 defèt ( Milwaukee Bucks) se te pi bon antrenè konferans lès la pandan mwa fevye a.

Kreyòl Enfo