Kreyòl Enfo, 25 mas 2019 .- Mèt Gédéon Jean, Direktè Egzekitif CARDH, depoze yon plent, jodi lendi a (25), nan pakè Pòtoprens kont ansyen prezidan Michel Joseph Martelly, bwa dwat li Ronald « Roro » Nelson ak ajan USGPN ki nan ekip sekirite ansyen chèf Leta a pou menas lanmò, move pawòl ak bastonad .
14 mas pase a, pandan li t ap sot patisipe nan yon emisyon nan Televizyon Karayib, Mèt Gédéon Jean te resevwa plizyè pataswèl anba men patizan Michel Martelly yo devan lokal estasyon an. Yon aksyon plizyè òganizasyon dwa moun te denonse.
Roro Nelson, ki toujou akonpaye ansyen prezidan Martelly. gen yon manda dèyè do l nan dosye dividal zam otorite yo te sezi nan waf Senmak la.
Kreyòl Enfo