Home Aktyalite MEDHA mande Leta fè jefò pou pèmèt tout ayisyen viv tankou moun

MEDHA mande Leta fè jefò pou pèmèt tout ayisyen viv tankou moun

by Kreyòl Enfo

Kreyòl Enfo, 11 desanm 2019 .- Òganizasyon k ap defann dwa moun nan depatman Latibonit la, MEDHA, kritike Leta ayisyen ki pa janm fè jefò pou pèmèt sitwayen jwi tout dwa yo nan peyi a.

Nan lokazyon 71e anivèsè deklarasyon inivèsèl dwa moun yo, madi 10 desanm 2019 la, Responsab MEDHA a, Mèt Michelet Dorgilles di se feblès Leta a ak volonte rèsponsab yo pa genyen ki anpeche tout sitwayen ayisyen viv tankou moun.

Militan dwa moun nan konseye sitwayen yo chanje fason y ap vote pou chwazi moun ki pral reprezante yo nan Leta a. Mèt Dorgilles kwè dwa sitwayen yo ap rèspekte se lè moun ki gen konpetans ak konsyans rantre nan pouvwa a.

Kreyòl Enfo

0 comment