Masak Lasalin : Sektè Demokratik Popilè a bay viktim yo ochan

Pòtoprens, jedi 13 desanm 2018 .- Yon mwa aprè zak vyolans bandi ak zam te fè nan katye Lasalin (Pòtoprens) kote yon dividal moun te pèdi Lavi yo, Sekte demokratik Popile a òganize yon jounen pote kole ak abitan nan zòn epi salye memwa viktim yo.

Manm Sektè Demokratik Popilè a te itilize foto viktim yo, bouke flè ak bouji pandan aktivite sa ki te reyini yon bon kantite moun.

Fanmi viktim yo ki tap swiv aktivite sa pat ka kenbe dlo nan je sitou lè y ap gade imaj viktim yo ki blayi sou pil fatra.

Mèt Andre Michel ki tap pale ak abitan Lasalin yo bay garanti tout moun ki ta mele nan masak sa ap pran kòd lajistis. Avoka militan an lonje dwèt sou plizyè gwo zotobre nan pouvwa Tèt Kale a ki ta dèyè masak sa ki pote ale pase 60 konpatriyòt, daprè yon rapò Rezo nasyonal k ap defann dwa moun yo (Rnddh).

Youn nan pòt vwa Sektè a, diktè Shiller Louidor te pwofite kase randevou sou beton an dimanch 16 desanm k ap vini la a, toujou pou egzije Jovenel Moise kite pouvwa a.

James Pierre