Martine Moise retounen nan peyi a aprè yon semèn sou kabann lopital Etazini

👤 Kreyòl Enfo

Martine Moise ak Claude Joseph nan ayewopò entènasyonal Tousen Louvèti

Kreyòl Enfo, 17 jiyè 2021.- Madanm Martine Moise retounen Ayiti aprè midi samdi 17 jiyè 2021 an. Li te entène lopital « Jackson memorial hospital » nan peyi Etazini aprè li te soti blese pandan asasina Prezidan Jovenel Moise, douvanjou mekrèdi 7 jiyè pase a, lakay li Peleren 5.

Martine Moise te resevwa plizyè katouch pandan zak asasinay sa. Li sibi 2 operasyon pandan anviwon yon semèn li pase sou kabann lopital nan peyi Etazini.

Premye minis revoke a, Claude Joseph, te resevwa Mandanm Moise nan ayewopò Tousen Louvèti. Martine Moise ki koupe cheve l rantre nan peyi a pou patisipe nan preparasyon Fineray Nasyonal Prezidan Jovenel Moise ki pwograme pou 23 jiyè k ap vini la a nan vil Okap.

»   Jovenel Moise salye 25 lane PNH la epi denonse "yon sektè ki vle divize enstitisyon an"

Kreyòl Enfo

ou ka enterese