Martine Moise retounen sou asasina prezidan Jovenel Moise epi pwofite remèsye tout moun k ap sipòte l

👤 Kreyòl Enfo

Martine Moise sou kabanm lopital

Kreyòl Enfo, 15 jiyè 2021.- Madanm Martine Moise remèsye tout moun k ap sipòte li nan lapriyè pou ede li rejwenn lavi. Nan yon mesaj ki pibliye sou kont ofisyèl li aswè mèkredi a, Martine Moise raple depi yon moun kouche lopital lavi li nan men Bondye ak doktè.

Madanm prezidan Jovenel Moise ekri tou  » mwen menm Martine Moïse, mwen poko kwè mari mwen ale konsa devan je m, san li pa di m yon dènye mo, doulè sa a pap janm pase ».

Foto ki akonpaye twit sa montre Madanm Moise kouche sou kabanm lopital ak yon bandaj ki mare tout ponyèt dwat la. Martine Moïse te resevwa twa katouch pandan asasina mari l, prezidan Jovenel Moise, lakay yo nan Pèleren 5 nan lannwit 6 pou louvri sèt 7 jiyè 2021 an.

»   Manifestasyon pasifik pou mande rèspekte konstitisyon 1987 la epi egzije Jovenel Moise kite pouvwa a

Kreyòl Enfo

ou ka enterese