Home Aktyalite Manifestasyon Okap: yon fanm 65 lane tonbe anba bal Lapolis

Manifestasyon Okap: yon fanm 65 lane tonbe anba bal Lapolis

by Kreyòl Enfo

Kreyòl Enfo, 4 oktòb 2019 .- Carole Jasmin, 65 lane, tonbe anba bal aprè midi vandredi a nan ri 11, sant vil Okap, pandan yon patwouy Lapolis t ap tante kraze yon manifesyon kont Jovenel Moise ak pouvwa Tèt Kale a.

Youn nan pitit viktim nan, Wisly Jean, ki pale ak redaksyon Kreyòl Enfo eksplike Carole Jasmin  » pat nan manifestasyon an ». Jèn gason sa ki di li gen 32 lane presize se pandan manman li ap  » soti nan mache epi polisye yo t ap tire li pran yon bal nan tèt ». Wisly Jean ki kondane konpòtman polisye mande jistis pou Carole Jasmin.

Nan kòmansman lanwit la, kadav pèsonaj 65 lane a te toujou atè ap tann yon jij depè vin fè konsta legal yo.

Pwotestatè yo toujou rete nan lari dezyèm vil peyi a ap reklame demisyon epi arèstasyon prezidan Jovenel Moise yo akize kòm otorite ki benyen nan kòripsyon.

Kreyòl Enfo

0 comment