Manifestasyon demare nan kapital la, 2 machin boule Gresye

Manifestan yo kòmanse rasanble nan plizyè pwen nan zòn metwopolitèn Pòtoprens la. Kalfou ayewopò, kalfou Peyan, Channmas, Bèlè se kèk kote manifestan yo kòmanse reyini pou al foule beton an.

2 machin deja boule nan zòn Maryani ak Lanbi ( komin Gresye) kote pwotestatè yo itilize gwo kamyon pou bloke lari a.

Anpil nan pwotestatè k ap patisipe nan mobilizasyon sa ki te anonse kont kòripsyon ap mande demisyon prezidan Jovenel Moise. Kolaboratè Kreyòl Enfo k ap fè laviwonn nan lari a konstate plizyè moun gen drapo koulè nwa ak wouj nan men yo.

3 000 polisye deplòtonnen nan kapital la pou garanti sekirite byen ak lavi moun pandan jounen manifestasyon jeneral kont kòripsyon sa.