Sektè demokratik popilè a, nan yon konferans pou laprès aprè midi dimanch la, prezante premye bilan jounen manifestasyon 18 novanm nan.
Mèt André Michel ki te pwofite remèsye manifestan yo di gen 11 moun, 47 blese epi 75 lòt jwenn arèstasyon yo nan kapital la ak divès vil pwovens. Avoka militan an ki pat presize konbyen moun ki viktim nan chak vil eksplike yo ap kontinye resevwa enfòmasyon sou lòt moun ki ta ka viktim pandan jounen manifestasyon kont kòripsyon ak pouvwa Tèt Kale a.
Doktè Schiller Louidor, sou bò pal, mande popilasyon kontinye rete nan lari a jouk Jovenel Moise kite pouvwa a. Mouche Louidor konseye tout paran kenbe timoun yo lakay demen lendi a yon mannyè, li di, pou yo pa viktim anba bal atache pouvwa a.