Majistra Pòdepè a di li pa resevwa okenn materyèl nan men Prezidan Jovenel Moise

Pòdepè, madi 11 novanm 2018.- Majistra prensipal komin Pòdepè a (Nòdwès), Josué Alusma, di li pa resevwa okenn materyèl tankou 2 bakolodè nan men pouvwa Egzekitif la.

Nan yon kominike, Josué Alusma deklare  » mwen pap demanti Prezidan Jovenel Moise aprè deklarasyon li te fè 7 desanm pase a kòm kwa li te bay Administrasyon kominal Pòdepè a 2 bakolodè, men m ap mande Chèf Leta a kòman yo rele majistra ki te resevwa materyèl sa yo. »

Pou majistra Elusma, se ekip k ap kowòdone aksyon Egzekitif la nan depatman Nòdwès la ki bay Prezidan Repiblik la manti.

Premye sitwayen Pòdepè a ki di lameri pa janm resevwa okenn bakolodè mande komisè gouvènman an mennen ankèt pou twouve materyèl Prezidan Jovenel Moise di li bay nan komin nan.

Kreyòl Enfo