Home Aktyalite Luckner « Louko » Désir libere aprè anviwon 60 minit nan komisarya Petyonvil

Luckner « Louko » Désir libere aprè anviwon 60 minit nan komisarya Petyonvil

by Kreyòl Enfo

Kreyòl Enfo, 3 avril 2020 .- Animatè vedèt emisyon « Maten Deba » sou Radio Éclair, Luckner Désir, jwenn liberasyon li, aprè midi a, nan komisarya Petyonvil la, daprè sa Kreyòl Enfo konsate. Louko libere yon ti tan aprè komisè gouvènman Pòtoprens la, Jacques Lafontant, te fin arete l devan lokal radyo a.

Yon foul moun ki t ap pwoteste devan lokal komisarya a kont arèstasyon jounalis la t ap chante « viv Louko, Aba Jovenel « . Pou pwotestatè sa yo, otorite yo arete Louko Désir paske l ap pale nan enterè pèp la.

Komisè gouvènman Pòtoprens la, Mèt Jacques Lafontant, eksplike li te fè « entèpele » Luckner Désir paske l ap eksite moun fè vyolans, li pa rèspekte dekrè prezidansyèl sou pandemi Kovid-19 la epi li depase limit libète laprès la.

Kreyòl Enfo

0 comment