Kreyòl Enfo, 21 mas 2020 .- Pandemi kovid-19 la pote ale jodi samdi a ansyen prezidan Real Madrid Lorenzo Sanz nan peyi Espay. Lorenzo Sanz te gen 76 lane.
Biznisman espanyòl la te dirije Real Madrid soti lane 1995 pou rive 2000. Pandan pasaj nan tèt ekip la, Real te genyen 2 Lig Chanpyon, nan lane 1998 ak 2000.
Se pandan Lorenzo Sanz te prezidan, Real Madrid achte jwè tankou Predrag Mijatovic, Roberto Carlos ak Clarence Seedorf.
Espay se youn nan peyi kote kowonaviris touye plis moun aprè Itali ak Lachin. Plis pase mil moun deja fè vwèl pou peyi san chapo akoz pandemi an.
Kreyòl Enfo