Leta pèdi 19 milya goud akoz kontrebann

Direktè Jeneral Administrasyon Jeneral Dwàn yo, Romel Bell rapòte Leta ayisyen pèdi 19 milya goud pandan egzèsis fiskal 2017-2018 la akoz franchiz dwanye sektè a ak òganizasyon non gouvènmantal yo benefisye.

Prezidan komisyon Etik ak kont kòripsyon nan sena Repiblik la, Youri Latortue, denonse ogmantasyon franchiz Leta bay ONG yo ki soti 1.57 milya goud pandan egzèsis fiskal 2016-2017 la pou rive 6.3 milya pandan egzèsis 2017-2018 la.

Direktè Romel Bell pwomèt gouvènman ap travay pou pi byen kontwole zafè franchiz yo. Toutfwa, li raple se ministè Planifikasyon ak ministè Finans ki jere dosye sa yo.