Lendi 20 septann : otorite amerikèn yo pèmèt anviwon 150 migran ayisyen rantre Etazini pou rezon imanitè

👤 Kreyòl Enfo

Kreyòl Enfo, 20 septanm 2021.- Rèsponsab imigrasyon ameriken yo aksèpte anviwon 150 migran ayisyen rantre Etazini jodi lendi 20 septanm nan. Guerline Joseph, rèsponsab « Haitian Bridge Alliance » , presize otorite amerikèn yo pèmèt konpatriyòt sa yo rantre Etazini pou rezon imanitè.

Toutfwa, sitwayen sa yo ki lage ak yon papye depòtasyon nan men yo pral oblije pran avoka pou al plede kòz yo devan yon jij, daprè militan dwa moun nan. Anpil nan migran ki jwenn posibilite rantre sou tèritwa ameriken an gen ti bebe nan men yo.

Imigrasyon amerikèn deja depòte plizyè santèn ayisyen nan peyi a. Majorite nan konpatriyòt sa yo ki t ap viv Chili ak Brezil travèse pou pi piti 10 peyi avan yo rive sou fwontyè Tekzas la.

»   Kovid-19 pouse prèske 25 000 Ayisyen kouri kite Sendomeng pou retounen Ayiti

Kreyòl Enfo

ou ka enterese