Gonayiv, lendi 3 desanm 2018 .- Nan lokazyon jounen entènasyonal moun andikape yo, Kòdinasyon depatmantal Latibonit Rezo asosyasyon nasyonal pou entegrasyon moun andikape yo (RANIPH) mande otorite yo nan Leta a pran tout dispozisyon pou aplike lwa sou entegrasyon moun andikape yo ki te vote depi nan lane 2012.
Kòdonatè òganizasyon an, Mocles Jean-Baptiste di se ak lapenn l ap konstate Leta ayisyen manke mete men nan batay k ap mennen pou tout andikape entegre nan sosyete a. Mouche Jean-Baptiste siyale, jiskaprezan, pa vrèman gen lekòl adapte pou moun andikape yo.
Pandan yon brase lide wikenn nan sou « Edikasyon pou tout moun », Mocles Jean-Baptiste di li regrèt pa janm gen jefò ki fèt pou fasilite andikape yo rantre san difikilte nan yon pakèt biwo piblik.
Docteur Rolguy