Kreyòl Enfo, 4 oktòb 2019 .- Menm jan ak divès sektè nan peyi a, Asosiyasyon antreprenè nan depatman Latibonit la egzije demisyon Jovenel Moise nan tèt peyi a.
Divès manm nan sektè prive depatman Latibonit la ki pran chimen laprès montre demisyon Jovenel Moise se sèl kondisyon ki ka pèmèt lavi reprann nòmalman nan peyi a.
Toutfwa, pòt pawòl Asosiyasyon an, Pierre Robert Auguste kwè prezidan Jovenel Moise dwe kite pouvwa a nan lòd ak bon jan planifikasyon pou peyi a pa debouche sou yon lòt kriz.
Mouche Auguste mande peyi ki nan zòn Amerik Latin yo temwanye solidarite yo ak Ayiti, yon mannyè pou yo akeyi Jovenel Moise si li ta vle ale nan egzil.
Pierre Robert Auguste pwofite mande opozisyon an aji ak plis pridans pou yon gè sivil pa eklate nan peyi a.
Kreyòl Enfo