Home Ensekirite Latibonit, 4 moun mouri anba bal pandan wikenn nan

Latibonit, 4 moun mouri anba bal pandan wikenn nan

by Kreyòl Enfo

Kreyòl Enfo, 30 mas 2020 .- Kat (4) moun mouri ak plizyè lòt soti blese anba bal bandi, pandan wikenn nan, nan komin Tirivyè Latibonit. Twa (3) nan moun ki mouri yo ta soti nan yon sèl fanmi.

Enfòmasyon ki rive jwenn kolaboratè Kreyòl Enfo (KE) nan rejyon an fè kwè se bandi ki soti nan baz « Gran grif » ki tabli kò yo nan lokalite Savyen ki ta komèt krim nan.

Pami moun ki viktim yo gen yon chofè kamyon ki fè trafik Pòtoprens/Dezam. Pou montre jan yo pa kontan, abitan nan lokalite Chandèl bloke, maten lendi a, wout Ponsonde ak Mibalè a. Sitwayen sa yo denonse otorite yo ki kite bandi fè lalwa nan tout zòn nan.

Kreyòl Enfo

0 comment