Kreyòl Enfo, 2 septanm 2020.- Pòt pawòl sendika polis nasyonal Ayiti a (SPNH-17, sig nan lang franse), Abelson Gros Nègre, jwenn revokasyon li jodi mekrèdi 2 septanm 2020 an. Enspeksyon jeneral revoke Abelson Gros Negre aprè 11 lane li pase ap sèvi enstitisyon polisyè a.
Daprè enfòmasyon ki rive jwenn redaksyon Kreyòl Enfo (KE), rèsponsab lapolis yo revoke pòt pawòl sendika a pou » move konpòtman » ak » pawòl demeplè » kont ansyen minis jistis la, Mèt Lucmane Delile.
Abelson Gros Negre ,ajan 2, pèdi djòb li nan moman kote gwo sansibilizasyon ap fèt nan mitan polisye yo yon mannyè pou yo pwoteste kont move kondisyon travay epi fòse Leta mete yon grapday sou ti monnen y ap touche a.
Aprè Yanick Joseph ki te demisyone mwa pase yo, Sendika polis nasyonal Ayiti a (SPNH-17) pèdi yon dezyèm manm nan komite a pandan sèlman kèk mwa depi li fòme.
Kreyòl Enfo