Lapolis reprann sèvis nan komisarya Lestè a

Kreyòl Enfo, 6 avril 2019 .- Polisye k ap travay nan vil Lestè (Latibonit) retounen nan komisarya a, jodi samdi a, 2 jou aprè yo te fin abandone pòs yo akoz pwoblèm ensekirite.

Kolaboratè Kreyòl Enfo nan depatman Latibonit la konstate nan mitan jounen an pòt komisarya a te rete louvri epi tout polisye kanpe nan pòs yo.

Ajan fòs lòd ki nan vil Lestè te kraze rak depi jedi 4 avril la, aprè yon operasyon koukouwouj lapolis te mennen kont chèf gang Arnel Joseph. Bandi a ki te twoke kout zam ak Lapolis te menase pou atake plizyè komisarya nan depatman an.

Kreyòl Enfo