Pòtoprens, vandredi 28 desanm.- Pòt pawòl Lapolis la, Gary Desrosiers anonse ajan fòs lòd yo repran kontwòl katye Savann Pistach, Pòtoprens, kote chèf bandi « Tije » ak ekip li t ap koupe rache depi plizyè jou.
Ajan nan plizyè inite espesyalize tankou Brigad operasyon ak entèvansyon depatmantal ( BOID,sig nan lang franse ), inite depatmantal pou mete lòd (UDMO) okipe komisarya Savann Pistach la bandi te boule dimanch 23 desanm pase a.
Pòt vwa enstitisyon an anonse yon nouvo komisè deja enstale nan tèt komisarya a tou.
Gary Desrosiers presize, yon lòt kote, gen 7 moun ki jwenn arestasyon yo pami yo madanm « Tije » ak pitit li pandan yon operasyon ajan fòs lòd yo te mennen nan.
Chèf bandi « Tije » ak twoup li te simen gwo latwoublay nan Savann Pistach kote yo boule kay plizyè polisye ak sitwayen pandan peryòd fèt nwèl la.
Kreyòl Enfo