Lapolis mete lapat sou « Bawon », youn nan chèf gang Savann Pistach yo

Kreyòl Enfo, 27:fevriye 2019 .- Emmanuel Ulysse moun plis konnen sou non Bawon, pi gwo bandi nan zòn Savann Pistach aprè « TiJe », chèf gang la, jwenn arèstasyon l, jodi mèkredi a (27), nan vil Kafou.

Lapolis mete lapat sou Bawon nan moman li t ap bouske laswenyay nan yon lopital. Komisè polis Kafou a, Maunaude Charles, konfime kriminèl la ta gen plizyè mak bal sou li nan moman yo t ap arete l la.

Lapolis kenbe tou madanm Bawon ansanm ak chofè moto ki te mennen l lopital la.

Kreyòl Enfo