Lapolis fouke majistra Mòl Sen Nikola a nan yon dosye dwòg

Kreyòl Enfo, 17 fevriye 2019 .- Majistra prensipal Mòl Sen Nikola a (Nòdwès), Christian Joseph, jwenn arèstasyon l, ayè samdi a, akoz li ta mele nan dosye ti avyon nimewo N18GC ki te vin debake dwòg nan komin nan 9 fevriye pase a.

Daprè enfòmasyon ki rive jwenn Kreyòl Enfo (KE), ajan Brigad k ap lite kont trafik dwòg yo (BLTS) arete 6 lòt moun pami yo 2 sitwayen peyi Bahamas ki te nan ti avyon an ak yon sitwayen ameriken ki te nan yon machin ak 3 lòt ayisyen.

Majistra Christian Joseph, yo prezante kòm pwòch prezidan Jovenel Moise, te genyen dènye eleksyon yo anba banyè OPL.

Kreyòl Enfo