Lapolis ak chèf gang Vildedye a, Arnel, ap twoke kòn yo Latibonit

Kreyòl Enfo, 4 avril 2019 .- Plizyè inite nan polis nasyonal la tanmen, depi douvanjou jedi 4 avril la, yon operasyon koukouwouj dèyè chèf gang Vilaj Dedye a, Arnel Joseph, nan komin Desalin, depatman Latibonit.

Nan moman n ap ekri tèks la (10:00), zam ap chante nan komin Desalin kote Arnel ak akolit li yo ap twoke kòn ak Lapolis. Kolaboratè Kreyòl Enfo nan depatman Latibonit la konfime gen moun ki deja mouri pandan operasyon sa.

Plizyè ajan polis Òganizasyon tout nasyon yo (ONU) akonpaye polis nasyonal la pandan operasyon sa.

Arnel rantre nan vil Desalin, kote li fèt, aprè divès operasyon lapolis mennen kont li nan baz li, Vilaj Dedye, Pòtoprens.

Kreyòl Enfo