Kreyòl Enfo, 12 septanm 2020.- Dieubon Juste, kòdonatè kazek dezyèm seksyon kominal Fon Melon Sèl, zòn Mabyal, mouri nwaye ayè vandredi a (11) nan larivyè lagoslin pandan li t ap soti nan vil Jakmèl. Aprè anpil mannèv, abitan yo ta pral jwenn kadav Dieubon Juste nan zòn Kay Lafond.
Viktim nan te genyen eleksyon 2017 yo anba chapo Òganizasyon Pèp k ap Lite (OPL, sig nan lang franse). Li pèdi lavi l akoz yon pon ki pa genyen pou moun travèse larivyè a.
Lagoslin ki resevwa dlo k ap soti nan larivyè Fon Melon ak Kochon gra toujou fè gwo dega nan zòn nan. Pandan sezon lapli a, moun nan seksyon Mabyal gen gwo difikilte pou travèse nan lòt vil akoz labou ak dlo ki bloke wout la. Mabyal sitiye nan yon distans 18 kilomèt ak vil Jakmèl.
Kreyòl Enfo