Kreyòl Enfo, 22 septanm 2020.- Yon lòt move nouvèl nan mitan kominote inivèsite Ayiti a. Vis dwayen ki rèsponsab zafè jiridik nan Fakilte dwa ak syans ekonomik nan Inivèsite Leta Ayiti a, Charles Dumont Point du Jour mouri, dimanch 20 septanm 2020 an, sou kabann lopital.
Enfòmasyon ki rive jwenn redaksyon Kreyòl Enfo (KE) konfime pwofesè Charles Dumont Point du Jour mouri aprè yon aksidan vaskilè serebral (AVC). Viktim nan gen anviwon 2 lane depi li t ap anseye nan Fakilte dwa ak syans ekonomik kote li te okipe pòs vis dwayen pou zafè jiridik.
Mèt Charles Dumont Point du Jour te konn patisipe tou nan anpil aktivite konsèy lòd avoka Pòtoprens yo te òganize pou bay ochan ak batonye Monferrier Dorval ki te tonbe anba bal bandi 28 dawout pase a tou pre lakay li, Peleren 5, komin Petyonvil.
Kreyòl Enfo