Home Entènasyonal Lafrans : yon ansyen minis mouri ak kowonaviris

Lafrans : yon ansyen minis mouri ak kowonaviris

by Kreyòl Enfo

Kreyòl Enfo, 29 mas 2020 .- Patrick Devedjian se premye rèsponsab politik fransè ki mouri akoz epidemi kowonaviris la. Patrick Devedjian, 75 lane, mouri douvanjou dimanch 29 mas la aprè li te fin entène lopital ak nouvo kowonaviris la depi mèkredi.

Patrick Devedjian te ansyen minis Jacques Chirac ak Nicolas Sarkozy. Depi 2007, li te prezidan Conseil jeneral Wodesèn, nan rejyon Pari.

Anpil reyaksyon soti nan klas politik fransèz la aprè lanmò Patrick Devedjian. Anne Hidalgo, majistra Pari a wete chapo pou salye memwa ansyen minis la pou  » angajman  » li di mesye Devedjian te toujou pran pandan lavi politik li.

Patrick Devedjian se pitit yon refijye amenyen ki te debake nan peyi Lafrans nan lane 1919.

Kreyòl Enfo

0 comment