Home Entènasyonal Lafrans : kontamine ak kowonaviris, doktè ekip « Stade de Reims » la touye tèt li

Lafrans : kontamine ak kowonaviris, doktè ekip « Stade de Reims » la touye tèt li

by Kreyòl Enfo

Kreyòl Enfo, 5 avril 2020 .- Doktè klèb premye divizyon (Ligue 1) nan peyi Lafrans « Stade de Reims », Bernard Gonzalez, touye tèt li jodi dimanch la, aprè li te fin enfekte ak nouvo kowonaviris la.

Nan yon kominike, rèsponsab ekip Reims la di « blese, n ap kriye jodi dimanch la lanmò doktè Bernard Gonzalez. Medsen klèb la, men tou doktè plizyè santèn sitwayen fanm ak gason vil Reims « . Doktè a pase 23 dènye ane yo nan klèb.

Bernard Gonzalez, 60 lane, kite yon lèt kote li eksplike li enfekte ak viris kovid-19 la, daprè enfòmasyon majistra vil la, Arnaud Robinet, pataje ak AFP.

Pandemi a k ap sakaje kontinan ewopeyen an deja touye pase 8 mil moun nan peyi Lafrans.

Kreyòl Enfo

0 comment