Kreyòl Enfo, 24 janvye 2019 .- Lachin pote tout sipò li, jodi jedi a, bay pouvwa Nicolas Maduro a nan peyi Venezyela epi kondane Etazini ak lòt peyi nan Amerik la li estime k ap foure bouch yo nan dosye ki pa konsène yo. Otirite chinwa yo pran pozisyon sa aprè Washington fin rekonèt Juan Guaidó kòm prezidan pwovizwa.
» Lachin apiye jefò gouvènman Venezyela ap fè pou konsève souverènte, endepandans ak estabilite « , pawòl pòt vwa Ministè relasyon eksteryè chinwa a, Hua Chunying.
Lachin swete kominote entènasyonal la fè tout sa ki posib l pou anpeche sitiyasyon an dejenere nan peyi Venezyela.
Kreyòl Enfo