Krim : yon fanm touye epi koupe tèt mari l ak kout manchèt nan komin Akayè

👤 Kreyòl Enfo

Kreyòl Enfo, 2 jen 2020.- Pierre Emilson Sémérant, yon pèsonaj 67 lane, pèdi lavi l anba kout manchèt madanm li, Myrtha Paul, douvanjou dimanch 31 me 2020 an, nan zòn Basen Maye komin Akayè (Lwès). Majistra Akayè a, Rosemila Petit-Frère, ki konfime enfòmasyon an kwè se jalouzi ki ta pouse Myrtha Paul komèt krim sa.

Daprè eksplikasyon yon pwòch viktim nan pataje ak redakasyon Kreyòl Enfo, Emilson Pierre Sémérant «rantre lakay li samdi nan aswè aprè plizyè jou kay yon lòt dam. Anvayi ak jalouzi, Myrtha Paul tann li dòmi, fèmen tout pòt epi simen manchèt» sou pèsonaj 67 lane a.

Abitan nan zòn nan dekouvri kadav viktim nan ak tèt li koupe. San pèdi tan yo rele lapolis ki gentan mete lapat sou prezime asasen an pandan li t ap fè mannèv pou chape pou l li. Fòs lòd yo te oblije kouri al mete Myrtha nan gadavi komisarya kafou Sen Meda a pou anpeche popilasyon nan zòn kote zak la pase a atake l.

»   Tigwav : Sanès Guerrier touye madanm li ak kout kouto

Pierre Emilson Sémérant ki t ap vann aparèy elektwonik nan mache Akayè a mouri kite 10 pitit li fè ak plizyè manman. Fanmi viktim nan mande lajistis jije epi kondane lotè zak la jan lalwa egzije sa.

Kreyòl Enfo

ou ka enterese