Home Entènasyonal Kowonaviris : yon premye moun mouri ak viris la nan zòn Amerik latin nan

Kowonaviris : yon premye moun mouri ak viris la nan zòn Amerik latin nan

by Kreyòl Enfo

Kreyòl Enfo, 7 mas 2020 .- Peyi Ajantin konfime jodi samdi a (7) yon premye moun mouri ak kowonaviris. Viktim nan se premye moun ki mouri ak viris la tou nan zòn Amerik latin nan.

Daprè rèsponsab lasante yo, viktim nan se yon gason ajanten ki te genyen 64 lane. Li t ap viv Buenos Aires. Nan mwa pase a, li te vwayaje sou kontinan ewopeyen an epi retounen Ajantin 25 fevriye.

Otorite ajantin yo konfime nèf lòt moun ap soufri ak kowonaviris. Sèt nan kapital la, youn nan pwovens Buenos Aires epi lòt la nan vil Córdoba.

Pou aprè midi samdi a, enfòmasyon ofisyèl yo presize kowonaviris deja touche 95 peyi. 105 400 moun deja trape viris la. Kowonaviris gentan touye 3 557 mouri.

Kreyòl Enfo

0 comment