Home Entènasyonal Kowonaviris : Trump mete bout nan relasyon Etazini ak OMS

Kowonaviris : Trump mete bout nan relasyon Etazini ak OMS

by Kreyòl Enfo

Kreyòl Enfo, 29 me 2020 .- Prezidan ameriken an, Donald Trump, anonse jodi vandredi a peyi Etazini mete bout nan relasyon li te genyen ak Òganizasyon Mondyal Sante a (OMS) pou move jesyon li estime òganizasyon fè nan pandemi kovid-19 la. Nan mwa avril pase a, Trump te deja sispann kontribisyon ameriken yo te konn bay òganizasyon an.

Prezidan ameriken an Donald Trump

Pandan yon ti pale tou kout ak laprès nan mezon blanch, Donald Trump akize yon lòt fwa ankò gouvènman chinwa a kòm prensipal rèsponsab epidemi kovid-19 la ki gentan kontamine plis pase 1, 7 milyon moun Etazini epi touye plis pase 100 mil. Prezidan Repibliken an panse Lachin te sere enfòmasyon sou viris la nan moman li te premye parèt nan vil Wuhan.

Milyadè ameriken an kwè Lachin kontwole Òganizasyon Mondyal Sante a nan fason l ap jere kriz sanitè sa kote nouvo kowonaviris la ap fè dega nan tout mond la.Yon seri akizasyon otorite chinwaz yo voye jete.

Donald Trump pa bay twòp detay sou ki sa Etazini pral fè nan kab batay kont epidemi an aprè li fin koupe relasyon ak OMS.

Kreyòl Enfo

0 comment