Home Entènasyonal Kowonaviris : sou yon plas Sen Pyè vid, Pap Franswa bay yon benediksyon « Urbi ak Orbi » espesyal

Kowonaviris : sou yon plas Sen Pyè vid, Pap Franswa bay yon benediksyon « Urbi ak Orbi » espesyal

by Kreyòl Enfo

Kreyòl Enfo, 27 mas 2020 .- Moman espesyal nan vil Wòm (Itali) ak tout kretyen katolik nan mond la. Pap Franswa bay, aprè midi vandredi a (26), yon benediksyon « Urbi ak Orbi » espesyal sou yon plas Sen Pyè vid, anba lapli, men « ranpli ak sentespri ».

Nan yon premye moman pap la te li Levanjil, aprè li lapriyè, avan li bay benediksyon « Urbi ak Orbi » a. « Pèsonn paka sove pou kont li », pawòl Pap Franswa pandan benediksyon an. Yon mesaj pou lemond nan moman kote yon pandemi ap fè ravaj.

Benediksyon « Urbi ak Orbi » yo konn resève sitou pou fèt Pak, Nwèl ak lè yon pap ap pran fonksyon.

Pandan dènye 24 èd tan yo, prèske mil moun pèdi lavi yo ak nouvo kowonaviris la sèlman nan peyi Itali. Pandami an deja touye plis pase 25 mil moun.

Kreyòl Enfo

0 comment