Home Espò Kowonaviris : pwopriyetè New York Knicks, James Dolan kontamine

Kowonaviris : pwopriyetè New York Knicks, James Dolan kontamine

by Kreyòl Enfo

Kreyòl Enfo, 29 mas 2020 .- James Dolan, 64 lane, se premye pwopriyetè yon franchiz nan espò ameriken an ki kontamine ak nouvo kowonaviris la.

Daprè enfòmasyon Knicks yo kominike bay laprès, James Dolan kontinye travay pou franchiz la malgre li mete tèt li nan izòlman. Gen anpil dispozisyon ki pou pran pou lòt manm nan ekip la pa kontamine.

New York Knicks anonse tout anplwaye k ap travay nan Madison Square Garden ap touche nòmalman jis rive mwa me malgre NBA a kanpe. Kontrèman ak anpil lòt espò kote dirijan oblije koupe nan lajan atlèt ak anplwaye yo, Knicks yo di l ap kontinye peye gras ak yon 2,3 milyon dola vèt yo te genyen nan rezèv pou peye anplwa jimnazyòm nan.

Nouyòk se vil ki plis frape nan leyi Etazini ak kovid-19 la. Pou pi piti 52 mil moun enfekte, plizyè santèn pèdi lavi yo.

Kreyòl Enfo

0 comment