Home Aktyalite Kowonaviris : MSPP konfime yon 4e moun mouri, fanmi mò a di se « maladi mistik » ki touye l

Kowonaviris : MSPP konfime yon 4e moun mouri, fanmi mò a di se « maladi mistik » ki touye l

by Kreyòl Enfo

Kreyòl Enfo, 21 avril 2020 .- Ministè Sante Piblik ak Popilasyon (MSPP), nan yon avi ki parèt madi 21 mas la, anonse yon katriyèm moun pèdi lavi l ak Kovid-19. Viktim nan mouri nan komin Kotdefè, depatman Sidès.

Ministè sante piblik presize moun ki mouri a se yon gason 40 lane ki pami 57 ka ki deja konfime nan peyi a. Li te deja ap soufri ak maladi tansyon, li te vin gen vomisman, fyèv ak gwo difikilte pou rèspire, toujou daprè MSPP

Sepandan, viktim nan ki se pastè nan yon legliz Kotdefè te kouri kite sant izòlman an malgre rezilta egzamen yo te pozitif. Pastè a ak fanmi l ki pat vle aksèpte rezilta pou tès Kovid-19 la te kwè se yon  » maladi mistik » li genyen.

Youn nan rèsponsab lasante nan depatman Sidès la di gen dispozisyon k ap pran pou mete tout moun ki nan lantouray viktim nan ankarantèn avan MSPP ak laboratwa nasyonal fè tès pou yo.

Kreyòl Enfo

0 comment