Youn nan manm sendika anplwaye lopital jeneral yo ki pale ak Kreyòl Enfo (KE) eksplike kondisyon travay yo pa chanje malgre nouvo kowonaviris la ap gaye nan kapital la. Sendikalis la rekonèt laperèz anvayi enfimyè ak doktè ki nan lopital la.
Rèsponsab sendika lopital la di manke ekipman pwoteksyon tankou mask, gan, bòt, blouz espesyal ak lòt ankò. Li siyale tou pa gen fòmasyon espesyal pou pwofesyonèl lasante konnen ki konpòtman yo dwe genyen fas ak malad ki kontamine yo ni lòt moun ki nan lantouray yo. Li regrèt se sèl yon grèv san limit ki ka pouse otorite yo tande vwa yo.
Lopital Inivèsite Leta Ayiti se pi gwo sant ospinalye piblik nan peyi a. Se lopital ki resevwa plis moun nan zòn metwopolitèn Pòtoprens la ki deja genyen pase 100 moun kontamine ak nouvo kowonaviris la.
Kreyòl Enfo