Kreyòl Enfo, 2 avril 2020 .- Nan yon semèn kantite moun ki kontamine ak nouvo kowonaviris yo double . Daprè dènye bilan Inivèsite John Hopkins pibliye aprè midi jedi a (2), plis pase yon milyon moun gentan enfekte ak viris la nan lomond. Pase 51 000 pèdi lavi yo.
Anviwon mwatye nan moun ki kontamine yo ap viv sou kontinan ewopeyen an. 217 mil Etazini, toujou daprè Inivèsite John Hopkins.
Depi vil Wuhan (Lachin) kote premye moun nan te kontamine ak nouvo kowonaviris la, sa te pran 67 jou pou rive nan 100 mil enfekte. Sèlman 11 jou aprè, kantite moun ki enfekte yo te gentan rive 200 mil. Sis jou aprè, 24 avril, kantite kontamine yo te deja rive 400 mil. Jodi a fè egzakteman yon semèn te kantite moun ki kontamine yo te rive 500 mil.
Nan total, kovid-19 gentan touye 52 364 moun, 37 709 sèlman sou kontinan ewopeyen an.
Akoz Pandemi a, 3,9 milya moun, nan 90 peyi, resevwa lòd pou rete nan izòlman sosyal.
Kreyòl Enfo