Home Aktyalite Kowonaviris : Jovenel Moise pwomèt 3 000 goud pou plis pase 1,5 milyon fanmi

Kowonaviris : Jovenel Moise pwomèt 3 000 goud pou plis pase 1,5 milyon fanmi

by Kreyòl Enfo

Kreyòl Enfo, 28 avril 2020.- Prezidan Jovenel Moise anonse, lendi 27 avril la, Leta ayisyen pral bay plis pase yon milyon senk san mil fanmi 3 000 goud kòm asistans pandam kriz Kovid-19 la.

Prezidan Jovenel Moise (foto entènèt)

Chèf Leta pat presize sou ki baz otorite yo pral chwazi fanmi ki pou benefisye asistans sa. Jovenel Moise pa bay eksplikasyon tou sou kòman fanmi k ap benefisye yo pral fè pou resevwa lajan sa.

Prezidan Repiblik la, yon lòt kote, anonse gen gwo jefò k ap fèt nan Ministè levasyon nasyonal ak fòmasyon pwofesyonèl (MENFP, sig nan lang franse) pou bay yon  » compensation de salaire » ak tout pwofesè lekòl prive yo.

Fon asistans ekonomik ak sosyal (FAES) pral distribiye kit alimantè bay sitwayen nan divès rejyon nan peyi a, daprè prezidan Jovenel Moise. Li fè konnen « 54 188 ouvriye k ap travay nan soutretans deja resevwa lajan ki evalye ak 15 jou travay » nan men otorite yo.

Jovenel Moise mande tout sitwayen pote kole pou konbat pandemi nouvo Kowonaviris la.

Kreyòl Enfo

0 comment