Kreyòl Enfo, 22 mas 2020 .- Jounal Miami Herald konfime, aswè dimanch la, 2 avyon konpayi American Airlines ap rantre Pòtoprens pou fasilite tout sitwayen ameriken ki Ayiti rantre Etazini. Avyon sa yo ta dwe poze nan ayewopò entènasyonal Tousen Louvèti demen lendi 23 ak madi 24 mas la.
Avyon American Airlines yo ta dwe rive Pòtoprens san pasaje, toujou daprè Miami Herald. Etazini pa prevwa pou okenn avyon poze nan ayewopò Okap la pou transpòte sitwayen ameriken k ap viv nan rejyon Nò.
Otorite amerikèn yo pran desizyon sa nan moman epidemi kowonaviris la kòmanse enfekte moun Ayiti, youn nan peyi kote sistèm sante a pi frajil nan kontinan ameriken an.
Kreyòl Enfo