Home Aktyalite Kowonaviris : Brezil depase 10 mil kadav, 730 pandan dènye 24 èd tan yo

Kowonaviris : Brezil depase 10 mil kadav, 730 pandan dènye 24 èd tan yo

by Kreyòl Enfo

Kreyòl Enfo, 9 me 2020 .- Jodi samdi a, Brezil deja konte 10 627 kadav akoz epidemi nouvo kowonaviris la, daprè otorite lasante yo ki konfime 730 moun pèdi lavi yo pandan dènye 24 èd tan yo. Dezyèm pi gwo kantite moun ki mouri pandan yon jounen. Yè vandredi a, ofisyèlman 751 te mouri akoz viris la.

Pwofesyonèl k ap leve sèkèy pou mete viktim kovid-19 yo nan vil Sao Paulo

Avèk 10 611, Brezil bat rekò kantite nouvo moun ki kontamine tou pandan yon jounen. Ofisyèlman 155 939 moun kontamine nan tout peyi a.

Brezil se 6° peyi kote kovid-19 la touye plis moun aprè Etazini ( 80 037), Wayòm Ini (31 587), Itali (30 395), Espay (26 478) ak Lafrans (26 310). Plizyè etid montre Brezil ka tounen episant epidemi an nan jou k ap vini la yo.

Sa pa anpeche prezidan Jair Bolsonaro ap fè presyon sou gouvènè eta yo pou sispann mezi konfinman yo epi louvri komès. Dirijan ekstrèm dwat la pran pretèks  » ekonomi Brezil la deja plat ap tonbe atè plat » si sitwayen yo rete lakay yo jan Òganizasyon Mondyal Sante (OMS) mande sa.

Kreyòl Enfo

0 comment