Home Aktyalite Kowonaviris-Ayiti : prèske 100 moun kontamine nan yon jounen

Kowonaviris-Ayiti : prèske 100 moun kontamine nan yon jounen

by Kreyòl Enfo

Kreyòl Enfo, 17 me 2020 .- Kantite moun ki kontamine ak nouvo kowonaviris la ap ogmante chak jou pi plis. Aprè midi dimanch 17 me a, ministè Sante Piblik ak Popilasyon anrejistre 98 nouvo ka. Premye fwa tout moun sa yo enfekte nan yon jounen.

Pou kounye a, Ayite deja gen 456 moun ki kontamine ofisyèlman ak kovid-19 la, 415 ka aktif, 20 mouri epi 21 moun rekipere anba maladi a. 2 nouvo moun geri pandan dènye 24 èd tan yo.

Sèlman nan depatman Lwès la, 353 moun kontamine ak nouvo kowonaviris la. Ogmantasyon ka yo nan depatman an bay otorite lasante yo anpil preyokipasyon.

Ministè Sante Piblik ak Popilasyon kontinye mande popilasyon an respekte prensip ijyèn ak sekirite yo pou anpeche epidemi kovid-19 la gaye plis toujou nan peyi a.

Kreyòl Enfo

0 comment