Home Diplomasi Kowonaviris : Ayiti fèmen fwontyè epi sispann tout vòl k ap soti Ewòp ak Amerik Latin

Kowonaviris : Ayiti fèmen fwontyè epi sispann tout vòl k ap soti Ewòp ak Amerik Latin

by Kreyòl Enfo

Kreyòl Enfo, 16 mas 2020 .- Leta ayisyen pran desizyon pou fèmen fwontyè li avèk Repiblik Dominikèn epi sispann tout vòl (avyon) avèk Ewòp ansanm ak Amerik Latin, nan lide prepare kont kowonaviris.

Premye minis Joseph Jouthe anonse « fwontyè Ayiti ak Sendomeng ap fèmen demen lendi a depi minwi. N ap kite sèlman machandiz rantre nan peyi a ». Toutfwa, chèf gouvènman an bay garanti gen egzamen ki pral fèt pou moun ki responsab pou transpòte machandiz yo avan yo rantre sou tèritwa a.

Premye minis la rapouswiv pou di  » nou sispann tout vòl k ap soti oubyen ki prale Ewòp ak Amerik Latin. Sepandan, vòl Ayiti-Etazini yo ap konyinye ». Joseph Jouthe presize mezi sa ap kòmanse aplike demen madi a.

Ofisyèlman Ayiti toujou poko anrejiste okenn ka kowonaviris. Rezilta tout egzamen ki fèt sou moun yo te sispèk yo negatif.

Kreyòl Enfo

0 comment