Home Aktyalite Kowonaviris : Ayiti anrejistre 71 nouvo ka epi 3 lòt moun mouri

Kowonaviris : Ayiti anrejistre 71 nouvo ka epi 3 lòt moun mouri

by Kreyòl Enfo

Kreyòl Enfo, 21 me 2020 .- Ministè Sante Piblik ak Popilasyon (MSPP) konfime, jedi 21 me a, 71 moun kontamine epi 3 mouri ak nouvo kowonaviris la pandan dènye 24 èd tan yo. Aprè Repiblik Dominikèn ak Kiba, Ayiti se peyi ki plis touche nan rejyon Karayib la.

Kantite moun ki enfekte yo ogmante rive 734, pami yo 25 mouri epi 21 rive retabli anba maladi a daprè presizyon MSPP nan yon avi ki pote nimewo 51.

Pami 734 moun ki kontamine yo, sèlman nan depatman Lwès la gen 563. Avèk 149 ka, Dèlma se komin kote nouvo kowonaviris touche plis moun. Aprè Pòtoprens gen 144 epi Petyonvil gen 126. Grandans se depatman ki gen mwens moun enfekte ak sèlman 4 ka.

Ministè Sante Piblik ak Popilasyon pwofite salye memwa moun ki mouri yo epi pwofite mande popilasyon an respekte tout prensip ijyèn ak sekirite yo.

Kreyòl Enfo

0 comment