Home Aktyalite Kowonaviris-Ayiti : 281 moun kontamine epi 6 mouri pandan dènye 24 èd tan yo

Kowonaviris-Ayiti : 281 moun kontamine epi 6 mouri pandan dènye 24 èd tan yo

by Kreyòl Enfo

Kreyòl Enfo, 30 me 2020 .- Ministè Sante Piblik ak Popilasyon (MSPP) konfime, aswè samdi a, 281 nouvo moun kontamine ak kowonaviris la pandan dènye 24 èd tan yo. Epidemi an touye 6 lòt moun tou pandan menm peryòd la. Premye fwa tout moun sa yo viktim anba epidemi an nan yon jounen.

Kantite moun ki enfekte nan tout peyi a ogmante rive 1 865. Pami yo, gen 1 800 ka aktif, 41 mouri epi 24 lòt rive retabli anba maladi a, daprè bilten nimewo 60 MSPP a.

Sèlman nan Lwès, 253 moun kontamine pandan yon jounen. Sa ki ogmante kantite moun ki enfekte nan depatman an rive 1 494. Nan dènye 24 èd tan yo, 5 pami 6 moun ki mouri yo soti nan Lwès kote kovid-19 gentan touye 26 moun depi epidemi an eklate.

Otorite lasante yo kontinye mande popilasyon an rèspekte tout prensip ijyèn ak sekirite yo tankou lave men tanzantan, touse nan koud, mete mask epi rete lakay.

Kreyòl Enfo

0 comment