Home Aktyalite Kowonaviris-Ayiti : 2 moun mouri epi 10 lòt kontamine, daprè MSPP

Kowonaviris-Ayiti : 2 moun mouri epi 10 lòt kontamine, daprè MSPP

by Kreyòl Enfo

Kreyòl Enfo, 12 me 2020 .- Dizuit (18) moun deja mouri Ayiti ak nouvo kowonaviris la pami yo de (2) pandan dènye 24 èd tan yo, daprè bilan ministè Sante Piblik ak Popilasyon (MSPP) pibliye aswè madi 12 me a.

10 nouvo moun kontamine nan menm peryòd la tou. Sa ki lakoz kantite moun ki enfekte ofisyèlman nan peyi a rive 219. Otorite lasante yo presize 58,4% nan moun ki kontamine yo se gason, fanm ki enfekte yo reprezante 41,6% .

Ministè Sante Piblik ak Popilasyon presize tou nan 219 moun ki kontamine yo, 52 trape maladi nan peyi etranje epi 167 kontamine sou tèritwa nasyonal la.

Pou kounye a, Ayiti gen 184 ka aktif, 18 moun mouri epi 17 geri. 170 moun nan karantèn nan enstitisyon epi 786 lòt nan karantèn lakay yo, toujou daprè MSPP ki kontinye mande popilasyon an respekte tout prensip ijyèn ak sekirite yo.

Kreyòl Enfo

0 comment