Home Aktyalite Kowonaviris : 5 koreyen ak 2 ayisyen kontamine nan pak endistriyèl Karakòl la

Kowonaviris : 5 koreyen ak 2 ayisyen kontamine nan pak endistriyèl Karakòl la

by Kreyòl Enfo

Kreyòl Enfo, 28 me 2020 .- Sekretè jeneral sSantral Otonòm Travayè Ayisyen yo (CATH, sig nan lang franse) konfime 7 sitwayen k ap travay nan pak endistriyèl Karakòl la (Nòdès) pami yo 5 sidkoreyen kontamine ak nouvo kowonaviris la. Fignolé Saint-Cyr presize malad yo ap resevwa laswenyay nan yon lopital nan depatman an.

Moun k ap travay nan pak endistriyèl Karakòl la

Sendikalis la denonse konpòtman otorite yo ki pat pran okenn dispozisyon pou fèmen izin yo depi aprè 2 premye ka yo. Fignolé Saint-Cyr kwè se neglijans otorite yo ki lakoz epidemi an gentan kontamine moun nan 5 pami 7 izin ki nan pak endistriyèl la.

Sekretè jeneral Santral Otonòm Travayè Ayisyen yo mande eske se lè ouvriye kòmanse mouri otorite yo ap wè nesesite pou fèmen pak endistriyèl la. Sendikalis la pè pou zòn franch Karakòl la pa tounen episant epidemi an nan Nòdès.

Fignolé Saint-Cyr pwopoze pou gouvènman fèmen izin yo epi bay chak anplwaye sipò 50 oubyen 75 mil goud. Li mande tout sendika ansanm ak òganizasyon k ap defann dwa moun yo fè presyon sou Leta pou fòse yo fèmen pak endistriyèl Karakòl la, SONAPI ak zòn franch Wanament la (CODEVI) pandan kovid-19 la ap gaye nan tout peyi a.

Kreyòl Enfo

0 comment