koripsyon Petwokaribe Politik Sosyete 

Kot kòb PetwoKaribe a ? : moun Okap nan lari

Kreyòl Enfo

Manifestasyon nan vil Okap, samdi 8 dawout la, pou egzije otorite yo fè limyè sou lajan PetwoKaribe a. 

Pwotestatè yo t ap lanse anpil pawòl piman bouk kont non tout gwo zotobre ki site nan rapò ankèt komisyon espesyal sena Repiblik la. Sitwayen yo mande lajistis pase kòd nan kou tout move lawon ki fè chimen kwochi ak plizyè milya dola vèt ki te ka kòmanse mete peyi a sou wout devlopman.

Mobilizasyon #Petwokaribechallenge ki anvayi rezo sosyal yo depi mwa pase a kòmanse bay rezilta sou beton an. Sitwayen nan divès vil peyi a ak nan dyaspora a tanmen manifeste nan lari pou mande kot kòb PetwoKaribe a?

Kreyòl Enfo