Kreyòl Enfo, 28 fevriye 2020 .- Kontrèman ak rimè ki t ap kouri sou rezo sosyal yo aprè midi vandredi a (28), pa gen okenn malad yo sispèk ki genyen kowonaviris nan vil Ench, daprè sa direktè medikal lopital Sent Terèz, Doktè Prince Pierre Sonson, konfime pou Kreyòl Enfo (KE).
Direktè a eksplike malad ki te vin lopital la aprè midi a se yon ansyen depite sikonskripsyon Tomasik (Sant) ki ta ap soufri ak nemoni (Pneumonie).
Doktè Prince Pierre Sonson fè konnen ministè sante piblik deja voye yon ekip ekspè nan vil la pou fè lòt egzamen nan lide pou fè tout limyè sou maladi ansyen depite a.
Kreyòl Enfo