Pòtoprens, 18 janvye 2019.- Ansyen Direktè Jeneral BMPAD la, Patrick Noramé fè wout kwochi ak plizyè milyon goud pandan pasaj li nan tèt enstitisyon an, daprè yon rapò Inite k ap Lite Kont Kòripsyon (ULCC).
Patrick Noramé ki pat gen anpil lajan avan li te direktè BMPAD chaje lajan Labank kounye a. Rapò ULCC a presize Mouche Noramé gen 62 mil dola vèt sou yon kont epi 13 milyon goud sou yon lòt.
Fondasyon《Je Klere 》ki t ap analize rapò ankèt sa mande lajistis fouke Patrick Noramé ak tout konplis li yo. Òganizasyon dwa moun nan regrèt ankèt sa pat vize lantouray sispèk la tou tankou Senatè Nènèl Cassy.
Patrick Noramé te dirije BMPAD pandan pouvwa trazisyon Jocelerme Privert a.
Kreyòl Enfo