Koperasyon : bato-lopital USNS tanmen 5e misyon li nan peyi a

👤 Kreyòl Enfo

Kreyòl Enfo, 4 novanm 2019 .- USNS Comfort, yon bato-lopital ameriken rive, jodi lendi a (4), nan Baz Naval Amiral Killick ki twouve l nan zòn Bizoton, komin Kafou (SidPòtoprens).

Bato sa ki genyen ladan l yon gwoup medsen ak medikaman ap rete nan peyi a jouk rive 13 novanm pou bay laswenyay ak sitwayen ayisyen ki nan bezwen, Daprè enfòmasyon redaksyon Kreyòl Enfo (KE) jwenn nan anbasad peyi Etazini.

Nan bato sa ap genyen sèvis nan plizyè domèn tankou medsin familyal, medsin prevantiv, egzamen ak trètman pou dan, egzamen zye, pedyatri, sante fanm, terapi, elatriye. Espesyalis ameriken yo ap distribiye anpil kit ijyèn tou.

»   Jan sa te anonse a, Etazini depote 128 Ayisyen jodi jedi a

Ministè sante piblik ak popilasyon deja chwazi yon lis malad k ap genyen pou fè operasyon nan kad misyon sa. Toutfwa, ap gen lòt sèvis ki disponib pou moun ki premye rive sou Baz Naval Amiral Killick la.

N ap siyale ekip medikal USNS Comfort a deja sou 5e vwayaj yo nan peyi a. Depi lane 2007, misyon sa ap fè virewon tou nan peyi tankou Kolombi, Kostarika, Ekwatè,Trinidad&Tobago, Jamayik, Sent Lisi elatriye.

Kreyòl Enfo

ou ka enterese