Home Entènasyonal Konfli nan fwontyè Venezyela ak Brezil, 4 moun mouri

Konfli nan fwontyè Venezyela ak Brezil, 4 moun mouri

by Kreyòl Enfo

Kreyòl Enfo, 23 fevriye 2019 .- Militè ki rete fidèl ak gouvènman Nicolas Maduro a twoke kòn yo, jodi samdi a, ak yon gwoup pwotestatè nan vil Santa Elena ki t ap tante louvri yon espas pou pèmèt kamyon k ap pote èd imanitè pase nan fwontyè Venezyela ak Brezil.

Kat (4) sitwayen pèdi lavi yo, plizyè lòt blese daprè prefè vil la. Nan kòmansman lanwit la, manifestan yo atake ak kout wòch yon baz militè venenezyela. Sòlda yo reponn ak anpil gaz lakrimojèn.

Gouvènman brezilyen an voye èd ki evalye ak 8 tòn pwodwi alimantè ak medikaman. Kamyon ki te pote èd sa pa rive rantre sou tèritwa Venezyela.

Prezidan Nicolas Maduro fèmen fwontyè Venezyela pataje ak Brezil depi ayè vandredi a.

Kreyòl Enfo

0 comment